Башҡортостан Республикаһының атҡаҙанған мәҙәниәт хеҙмәткәре, импровизатор, тамаҡ менән йырлау оҫтаһы Илһам Байбулдин Бөтә Рәсәй эпос йырлаусылар бәйгеһендә лауреат исеменә лайыҡ булды.
Иҫегеҙгә төшөрәбеҙ, йыраусылар конкурсы 2016 йылдың ғинуар айында иғлан ителгәйне.
Бәйгелә ҡатнашыу өсөн Рәсәйҙең 34 төбәгенән ғаризалар ҡабул ителгән. Ҡатнашыусылар арһында Мәскәү, Санкт-Петербург, Мурманск, Петрозаводск, Костомукши ҡалаларынан, Тверь, Вологодск, Архангельск өлкәләренән, Удмурт, Коми, Мордовия, Башҡортостан республикалары һәм Карелияның район, ҡалаларынан бөтәһе 200 кеше ҡатнашҡан.
Проекттың гала-концерты 12 июндә «Кижи» музей-заповеднигында үтәсәк. Унда Башҡортостан данын, яҡташыбыҙ Илһам Байбулдин яҡлай.