Алдан хәбәр итеүебеҙсә, рус, башҡорт, татар йәки сыуаш телдәрендә яҙышҡан иң яҡшы үҙешмәкәр шағирҙар Бәләбәй ҡалаһында ойошторолған “Илһам шишмәләре-2017” шиғриәт фестивалендә ҡатнашты. Бәйге еңеүселәре 14 апрелдә билдәле буласаҡ. Башҡортостан, Татарстан, Сыуашстан Яҙыусылар союзы делегацияһының һәм еңеүсе шағирҙарҙың райондың хеҙмәт коллективтары һәм уҡыусылар менән осрашыуы  көтөлә.  Шиғри бәйгелә 177 шағир ҡатнашҡан, 77 үҙешмәкәр шағир эштәрен тәүге тапҡыр тәҡдим иткән.

Жюри конкурс эштәрен ҡарап һәм дәғүәселәрҙән ете лауреат һәм дипломант билдәләйәсәк. Эштәр түбәндәге номинациялар буйынса баһаланасаҡ: «Шағир һәм ваҡыт»; «Иртәгәбеҙҙе һаҡларбыҙ» (Рәсәйҙә һәм Башҡортостанда иғлан ителгән Экология йылы уңайынан); «Фестивалде асыу»; «Ал елкәндәр» (йәштәр шиғриәте); «Мөхәббәт ул — шундай изге хис » (һөйөү лирикаһы); «Шиғырҙар йондоҙҙар һәм раузалар кеүек үҫә...» (Марина Цветаеваның 125 йыллығына); «Балалар өсөн яҙам»; «Яратырға, өмөтләнергә һәм йәшәргә» (мөмкинлектәре сикле авторҙар, Бөйөк Ватан һуғышы ветерандары һәм локаль һуғыштарҙа ҡатнашҡандар өсөн махсус номинация); «Ул көндәрҙең даны тынмаҫ!» (Бөйөк Ватан һуғышында еңеүселәрҙең батырлығын данлаған авторҙар өсөн махсус номинация); «Тиҙ үҫешеүсе биләмә — уңыш биләмәһе!» (Рәсәй моноҡалаларынан хеҙмәт кешеһен һәм тыуған төйәген данлаған шағирҙар өсөн махсус номинация).

Шулай уҡ еңеүселәр  дипломдар һәм аҡсалата премиялар менән бүләкләнәсәк.