Иртәгә, 24 ғинуарҙа “Россия-Культура” телеканалында Башҡортостанға бағышланған “Минең һөйөүем – Рәсәй!” проектының беренсе сығарылышы ҡурай тураһында буласаҡ. Телеканалдың был проектында күп милләтле Рәсәйҙең, уның төбәктәренең тормошо күрһәтелә. Алып барыусы – Мәскәүҙә йәшәгән француз нәшерсеһе, сәйәхәтсе Пьер Кристиан Броше. Әлеге тапшырыуҙы төшөрөү өсөн ул Өфөгә былтыр декабрь башында килгән булған. Тапшырыуҙа Башҡортостан ҡурайсылары берләшмәһе рәйесе Артур Ғайсаров, республиканың халыҡ артисы Азат Айытҡолов, Илмир Ҡоҙабаев һәм “Йатаған” этно-төркөмө ҡатнашасаҡ.