Сибай ҡалаһында «Ирәндек моңдары - 2020» башҡорт халыҡ йырҙарын башҡарыусыларҙың төбәк-ара бәйгеһе тамамланды.
Быйылғы конкурса 183 кеше ҡатнашты. Шуларҙың 56-һы - 16 йәшкә тиклемге балалар, 93 үҙешмәкәр башҡарыусы һәм 36 профессионал йырсылар. Гала-концертҡа 23 профессионал, 53 үҙешмәкәр йырсы һәм 11 бала үтте.
Гран-при һәм еңел автомобиль Ейәнсура районынан Әлфиә Мырҙабаева тапшырылды. Ул «Оҙон көй» төбәк-ара бәйгеһе лауреаты, республика һәм халыҡ-ара конкурстар еңеүсеһе. Яңы автомобилдең асҡысын уға БР башлығы Радий Хәбиров тапшырҙы.
Байрам концертында Сибай ҡалаһынан ижади коллективтар, «Ирәндек моңдары» бәйгеһенең үткән йылдарҙағы лауреаттары һәм еңеүселәре ҡатнашты.