Сибай ҡалаһында 15-се тапҡыр үтәсәк башҡорт халыҡ йырҙарын башҡарыусыларҙың төбәк-ара "Ирәндек моңдары" бәйгеһенә заявкалар ҡабул итеү тамамланды. Ойошторусылар белдереүенсә, быйыл 200-ҙән ашыу кеше конкурста ҡатнашыу теләген белдергән.

Улар араһында  Башҡортостан Республикаһынан, Ҡурған, Мәскәү, Ырымбур, өлкәләренән һәм Ханты-Мансийск автономия округынан кешеләр бар.

Киләһе аҙнала, 10-11 августа беренсе тур онлайн-форматта үтәсәк. 18 августа икенсе тур, ә 19 августа конкурстың Гала-концерты уҙасаҡ.