2016 йылдың октябрь айынан алып, Туймазы татар дәүләт драма театрында балалар студияһы эшләп килә. Студияла үткән дәрестәр һөйләм оҫталығын яҡшыртыуға (ауаздарҙы дөрөҫ, асыҡ итеп әйтеү, ижеккә һәм һөйләмдәге һүҙгә дөрөҫ баҫым ҡуйыу, тейешле интонация табыу һ.б.), әҙәби һөйләм ҡағиҙәләрен төшөндөреүгә, фекерләү һәләтен үҫтереүгә йүнәлтелә. Тәжрибәле актерҙар йәш таланттарға нисәмә йылдар дауамында бер туҡтауһыҙ сәхнәлә эшләү һөҙөмтәҙендә үҙҙәрендә тупланған сәхнә оҫталығы серҙәрен аса.

Студияла даими шөғөлләнгән балалар сәнғәт, театр донъяһы хаҡында ҡыҙыҡлы мәғлүмәттәр туплай.  Алған белем балаларға сәхнәлә генә түгел,йәмғиәттә лә үҙҙәрен ышаныслы тоторға ярҙам итә.

Студия күптән түгел генә эшләй башлауына ҡарамаҫтан, йәш таланттарҙың хеҙмәт һәҙәмтәләрендә күренә башланы. Күптән түгел Дамир Сиражиев исемендәге премия лауреаты Марат Хәсәнов етәкселәгендә шөғөлләнгән балалар ата-әсәләренә, театр артистарына, дуҫтарына ижад емештәрен күрһәтте.