Май байрамдарында Йылайыр ауылының мәҙәни үҫеш үҙәге автоклубы Йылайыр районының Исҡужа ауылында «Атайсалға изге эштәр» концертын ҡуйҙы.

Концерт сағыу сығыштарға бай булды: автоклуб сәхнәһендә артистар популяр йырҙарҙы башҡарҙы, халыҡ өсөн күңел асыу уйындары, конкурстар ойошторҙо. Тамашасылар артистар менән бергә йырлап, дәртле көйҙәргә бейеп күңел асты.

- «Мәҙәниәт» милли проекты буйынса Йылайыр районына Башҡортостанда беренсе булып күсмә күп функциялы мәҙәни үҙәк ҡайтарылды. Автоклуб үҙ бурысын теүәл үтәй. Халыҡ уның эше менән ҡәнәғәт һәм һәр саҡ уның яңы программалар менән килеүен түҙемһеҙлек менән көтә, - ти район мәҙәниәт йорто методисы Эльзира Батисова.