Өфөлә бөгөн Владимир Спиваков исемендәге скрипкасылар конкурсы асыла. Быйыл тәүге тапҡыр үткәрелгән ижади бәйгелә 15 йәштән 26 йәшкә тиклемге башҡарыусылар ҡатнаша. Сәхнәгә Рәсәй, Ҡытай, Япония, Венгрия, Швеция, Канаданан 12 йәш музыкант сығасаҡ. Конкурс сиктәрендә йәш башҡарыусылар билдәле музыканттарҙан оҫталыҡ дәрестәре лә аласаҡ. Ижади бәйгенең Гала-концерты “Башҡортостан” концерт залында 15 майҙа үтә. Уны дирижер Владимир Спиваков етәкләйәсәк.