Йәрмәкәйҙә «Ата-бабалар ере» Ыҡ төбәге халыҡтарының 24-се төбәк-ара ижади фестивале уҙҙы. Ул күп йылдар дауамында райондың визит карточкаһы булып тора.

Фестиваль күп милләтле Башҡортостан халҡының милли-мәҙәни үҙенсәлектәрен, туғанлыҡ традицияларын һаҡлау һәм үҫтереү маҡсатында 1994 йылда булдырылған. Ул йылдан-йыл ҙур Рәсәйҙең күп милләтле халҡын берләштереп, географияһын киңәйтә бара.

Был проект Башҡортостан Хөкүмәте һәм Мәҙәниәт министрлығы ярҙамында тормошҡа ашырыла. Быйыл уны тормошҡа ашырыуға Йәрмәкәй районы 500 мең һум күләмендә субсидия алды.