2023 йылдың 1 июленән 30 октябренә тиклем «Асыш» йәш әҙәбиәтселәр конкурсына ғаризалар ҡабул ителә.

Башҡортостан Республикаһы Яҙыусылар союзы  «Шоңҡар» һәм «Толпар» республика йәштәр журналдары ҡатнашлығында «Проза» һәм «Шиғриәт» номинациялары буйынса 18 йәштән 40 йәшкә тиклемге йәш авторҙар өсөн «Асыш» конкурсын иғлан итә. Конкурс йәш таланттарҙы асыҡлау, башҡорт һәм татар әҙәбиәтен үҫтереү, туған телдәрҙе һаҡлау маҡсатында уҙғарыла.

Конкурсҡа  киң мәғлүмәт сараларында, интернетта баҫылмаған һәм башҡа конкурстарҙа ҡатнашмаған эштәр ҡабул ителә. Социаль селтәрҙәге шәхси аккаунтында, блогында йәки Youtube  каналында  һәм мәктәп гәзиттәрендә баҫылған эштәр өсөн генә ташлама яһарға мөмкин.