Зәйнәб Биишева исемендәге Башҡортостан “Китап” нәшриәтендә яҙыусы, шағир, журналист Сәлимйән Бәҙретдиновтың “Йәшә әле, йәшә...” тигән китабы баҫылып сыҡты. Авторҙың ҡиссалары, повесы, хикәйәләре, очерктары, ҡобайырҙары, шиғырҙары үткәндәрҙе хәтерләтә, бөгөнгөнө, киләсәкте күҙаллата, йәшәү асылы һәм мәғәнәһе тураһында уйландыра. Башҡорт донъяһында сәйәхәт итеп, ҙур көс-ҡөҙрәт, илһам алаһың, яңы фекерҙәргә эйә булаһың, йәнең яҡтырыуын тояһың. Әҫәрҙәре гелән яҡшылыҡ ҡылырға өндәй, тереһыу һымаҡ рухыбыҙҙы һуғара.