Республиканың Мәҙәниәт министрлығы, «Башҡортостан» киностудияһы һәм Кинематографсылар берлеге Рәсәйҙәге Кино йылына арнап, «Яратам һине, Башҡортостан» конкурсын иғлан итте. Унда кино төшөрөү менән шөғөлләнгән һәр һәүәҫкәр ҡатнаша ала. Талап буйынса нәфис һәм художестволы эштәр 10 минуттан да оҙонораҡ булмаҫҡа тейеш. Шулай уҡ һәр авторға фәҡәт 1 эшен генә конкурсҡа тапшырыу рөхсәт ителә. Был турала Мәҙәниәт министрлығынан хәбәр итәләр.