14 сентябрҙә Зәйнәб Биишева исемендәге Башҡортостан “Китап” нәшриәте "Автограф көнө" уҙғара.

Сарала күренекле шағирә, яҙыусы, Рәсәй Федерацияһының һәм Башҡортостан Республикаһының Яҙыусылар һәм Журналистар союздары ағзаһы Гөлшат Әхмәтҡужинаның “Бетеү”, башҡорт әҙәбиәте белгесе, яҙыусы, филология фәндәре докторы , Рәсәй Федерацияһының һәм Башҡортостан Республикаһының Яҙыусылар союзы ағзаһы, Башҡортостан Республикаһының атҡаҙанған мәҙәниәт хеҙмәткәре, Салауат Юлаев ордены кавалеры Мирас Иҙелбаевтың “Һайланма әҫәрҙәр” китаптарының исем туйы үткәрелә.

Китап уҡыусыларҙы, әҙәбиәт һөйөүселәрҙе, ғөмүмән, ижад донъяһы менән ҡыҙыҡһыныусыларҙы “Китап” нәшриәте көтөп ҡала.

Сара көндөҙгө 11-ҙә башлана. Адресы: Өфө ҡалаһы, Октябрь проспекты, 2.
Авторҙар менән яҡыныраҡ танышырға, аралашырға, яңы китаптар, әҫәрҙәр тураһында фекер алышырға ашығығыҙ, дуҫтар!