Бөгөн Күгәрсен районының Мораҡ ауылында моделле китапхана асыу тантанаһы үтте. Китапхананы заманлаштырыу "Мәҙәниәт" милли проектында ярҙамында башҡарылды. Был проект матур биҙәлешле, яңы мәғлүмәт технологиялары менән тәьмин ителгән моделле ауыл китапханалары булдырыуҙы күҙ уңында тота.

Заманса йыһаз һәм һатып алынған ҡорамалдар ярҙамында Үҙәк район китапханаһы икенсе форматта - күп функциялы яңы быуын учреждениеһы булараҡ эшләй башлай. Физик мөмкинлектәре сикле граждандар өсөн пандус, саҡырыу төймәһе, навигация саралары ҡуйылған.