Тамашаның режиссеры Башҡортостандың атҡаҙанған артисы Сулпан Асҡарова, сценарий авторҙары Франгизә Илбәкова һәм Миңзәлә Яхина. Ишморат Илбәков-"Ишҡурай"ҙың авторы. Биш тишекле ҡурай тауышы буйынса сикле, йәғни боронғо башҡорт халыҡ көйҙәренең ҡайһы берҙәрен һәм заманса көйҙәрҙе тулыһынса башҡарырға мөмкинлеге аҙ. Шуның өсөн дә 90-сы йылдарҙа ҡурайсы Ишморат Илбәков заман талабына ярашлы ошо алдағы яҙылған бөтә ҡурайҙарҙы ла үҙе уйлап сығарған алымдар менән бер ҡурай эсенә һыйҙырыуға өлгәшә, дөрөҫерәге ун ике ҡурайҙы бер ҡурай эсенә һыйҙыра. Был ижад музыка өлкәһендә ҙур ҡаҙаныш була, сөнки бер ишҡурайҙа бөтә һөнәри музыка алымдарын һәм талаптарҙы ла ҡулланып, башҡорт халыҡ һәм заманса көйҙәрҙе лә үҙең теләгән музыкаль тоналлектә башҡарырға мөмкин.
Юбилярҙың ижадташ дуҫтары ҙәм уҡыусылары ҡатнашлығындағы тамашаға рәхим итегеҙ! Башлана 19.00 сәғәттә.