«Көмөш Аҡбуҙат» III Халыҡ-ара милли һәм этник кино фестивалендә 22 ил ҡатнашасаҡ.

Көмөш Аҡбуҙат» III Халыҡ-ара милли һәм этник кино фестиваленә Германия, Ҡазаҡстан, Ҡырғыҙстан, Иран, Непал, Мексика, Америка Ҡушма Штаттары, Әрмәнстан, Сирия, Франция, Әзербайджан, Таджикстан, Афғанстан, Швейцария, Тайвань, Бангладеш, Монголия илдәренән 254 эш тәҡдим ителгән. Фестиваль Башҡортостан Республика Башлығы грантына уҙғарыла.
Өсөнсө йыл уҙғарылып килгән был фестиваль йылдан –йыл киң офоҡтарға һуҙыла, билдәлелек яулай. Быйыл “Көмөш Аҡбуҙат” октябрҙең 26-нан алып 28-нә тиклем үтәсәк.
Фестиваль йомғаҡтары буйынса еңеүселәр билдәләнәсәк. Гран-приҙан тыш, төрлө номинацияла приздар, махсус бүләктәр тапшырыласаҡ.
Фестивалдең ойоштороусылары : Башҡортостан Республика Хөкүмәте, Башҡортостан Республикаһының мәҙәниәт министрлығы, “Башҡортостан” киностудияһы, Өфө ҡала Хаҡимиәте.

Тулыһынса мәғлүмәт алыр өсөн сайт: http://silverakbuzat.ru/


Сығанаҡ: http://silverakbuzat.ru/