19 апрель көнө Мәжит Ғафуриҙың мемориаль йорт-музейында башҡорт халҡының милли кейемдәрен тегеү, биҙәү, шулай уҡ төрлө биҙәүестәр эшләү буйынса иҫ киткес талантлы ҡул эштәре оҫтаһы, бик күп күргәҙмәләр дипломанты, БР-ҙың атҡаҙанған уҡытыусыһы, мәғариф ветераны Р.З. Абакова таҫмалар менән сигеү буйынса оҫталыҡ дәресе үткәрә. Уның ярҙамы менән эшләнгән күҙҙең яуын алырлыҡ картиналар һеҙҙең фатирҙы биҙәү өсөн бына тигән интерьер булырға ла, дуҫ-иштәрегеҙгә эксклюзив бүләк тә булырға мөмкин.
Алтын ҡуллы Рима Зәйнулла ҡыҙы үҙенең был оҫталыҡ дәресендә таҫмалар менән сигеүҙең төрлө алымдарын роза сәскәләрен сигеү өлгөһөндә өйрәтергә ниәтләй. 
Оҫталыҡ дәресенең үткәрелеү урыны: Өфө ҡалаһы, Гоголь урамы 28/1, М.Ғафуриҙың мемориаль йорт-музейы. Башлана 17.00 сәғәттә.