Ағымдағы йылдың  апреленән май айына тиклем Башҡортостандың халыҡ шағиры Назар Нәжмиҙең тыуыуына 100 йыл тулыуға арналған «Өфө йүкәләре» йыр фестивале үтә.

Сараны ойоштороусы – Өфө ҡала Хакимиәтенең Мәҙәниәт һәм сәнғәт буйынса идаралығы.

Ойоштороусылар хәбәр итеүенсә, сарала репертуарында Өфө тураһында йыр башҡарыусылар ҡатнашыу мөмкинлегенә эйә.

Фестивалгә Өфө ҡалаһының тарихы, уның үҙенсәлеге, тарихи һәм иҫтәлекле урындары, ҡала халҡына хас төп һыҙаттары сағылған төрлө жанрҙағы һәм йүнәлештәге йырҙар тәҡдим ителә.

Сара ике йәш категорияһы (14 йәшкәсә һәм 14 йәштән өлкәнерәк) араһында һәм ике номинацияла уҙғарыла: «Өфө хаҡында иң яҡшы башҡарыу» (профессиональ башҡарыусылар), «Өфө хаҡында иң яҡшы башҡарыу» (һәүәҫкәр башҡарыусылар).

Ғаризалар 30 апрелгә саҡлы фестивалде ойоштороу комитеты адресына (Октябрь проспекты, 114/1) ҡабул ителә.
Телефон: (347) 279-06-38.