Миҙхәт Закир улы Шакировтың 100 йыллығына арналған тантаналы ултырыш
Кисә, 31 октябрь көнө, М.Ғафури исемендәге Башҡорт дәүләт академия драма театрында Миҙхәт Закир улы Шакировтың 100 йыллығына арналған тантаналы ултырыш үтте.
1969-87-се йылдарҙа Башҡортостан өлкә комитетының беренсе секретары, Социалистик Хеҙмәт Геройы, республика ғына түгел, тотош Рәсәй өсөн әһәмиәтле нефть һәм газ үткәргестәр төҙөүгә тос өлөш индергән етәксе, төбәк ҡоролошона быуындарға етәрлек ныҡлы нигеҙ һалыусы идарасы - Миҙхәт Закир улы Шакировтың тыуыуына 100 йыллығын билдәләйбеҙ.
Күптән түгел Миҙхәт Закир улы Шакировтың 100 йыллығын билдәләү сиктәрендә дәүләт эшмәкәре иҫтәлегенә арналған «Башҡортостан тарихы: үткәне, бөгөнгөһө һәм киләсәге” исеме аҫтында фәнни-ғәмәли конференция ойошторолдо. Бынан тыш, мәҙәниәт учреждениеларында тематик күргәҙмәләр һәм кисәләр үткәрелде.
Сараға республикабыҙҙың билдәле йәмәғәт эшмәкәрҙәре, Миҙхәт Закир улының замандаштары, туғандары йыйылғайны.
Республика башлығы Рөстәм Зәки улы Хәмитов эстәлекле , бай мәғлүмәтле доклад менән сығыш яһаны. Башҡортостандың индустриаль үҫешен ойоштороусы, энергетик хужалығына нигеҙ һалыусы шәхес үҙ ваҡытын күпкә уҙып быуаттарға етәрлек эҙ ҡалдырған. Ул төҙөткән заводтар, нефть һәм газ үткәргестәр әле лә халыҡҡа хеҙмәт итә.
Дәүләт эшмәкәре ауыл хужалығына ла етди иғтибар бүлә. Уның идара итеү осоронда социалистик йөкләмәләр күпкә арттырып үтәлә. Ауыл хужалығы тауарҙары, ашлыҡ етештереү һәм һатыу бермә-бер арта. Был ҡаҙаныштары өсөн Миҙхәт Шакировҡа Социалистик Хеҙмәт Геройы исеме бирелә.
Тиҙҙән Өфөлә Миҙхәт Шакиров исемендәге сквер барлыҡҡа киләсәк, дәүләт эшмәкәренә арналған “Шакиров беренсе обком секретары”исемле китап нәшер ителгән.
Тантаналы ултырыш байрам концерты менән тамамланды.
Өлкән быуын кешеләре баш ҡалала тыуып үҫеп үҙ төйәген үҫтереүгә бар ғүмерен бағышлаған, яуаплы һәм талапсан етәксене яҡшы хәтерләй. Миҙхәт Закир улының тормошо, эш итеү алымдары, хеҙмәт юлы күптәребеҙгә өлгө.
Гүзәл Багаева
1969-87-се йылдарҙа Башҡортостан өлкә комитетының беренсе секретары, Социалистик Хеҙмәт Геройы, республика ғына түгел, тотош Рәсәй өсөн әһәмиәтле нефть һәм газ үткәргестәр төҙөүгә тос өлөш индергән етәксе, төбәк ҡоролошона быуындарға етәрлек ныҡлы нигеҙ һалыусы идарасы - Миҙхәт Закир улы Шакировтың тыуыуына 100 йыллығын билдәләйбеҙ.
Күптән түгел Миҙхәт Закир улы Шакировтың 100 йыллығын билдәләү сиктәрендә дәүләт эшмәкәре иҫтәлегенә арналған «Башҡортостан тарихы: үткәне, бөгөнгөһө һәм киләсәге” исеме аҫтында фәнни-ғәмәли конференция ойошторолдо. Бынан тыш, мәҙәниәт учреждениеларында тематик күргәҙмәләр һәм кисәләр үткәрелде.
Сараға республикабыҙҙың билдәле йәмәғәт эшмәкәрҙәре, Миҙхәт Закир улының замандаштары, туғандары йыйылғайны.
Республика башлығы Рөстәм Зәки улы Хәмитов эстәлекле , бай мәғлүмәтле доклад менән сығыш яһаны. Башҡортостандың индустриаль үҫешен ойоштороусы, энергетик хужалығына нигеҙ һалыусы шәхес үҙ ваҡытын күпкә уҙып быуаттарға етәрлек эҙ ҡалдырған. Ул төҙөткән заводтар, нефть һәм газ үткәргестәр әле лә халыҡҡа хеҙмәт итә.
Дәүләт эшмәкәре ауыл хужалығына ла етди иғтибар бүлә. Уның идара итеү осоронда социалистик йөкләмәләр күпкә арттырып үтәлә. Ауыл хужалығы тауарҙары, ашлыҡ етештереү һәм һатыу бермә-бер арта. Был ҡаҙаныштары өсөн Миҙхәт Шакировҡа Социалистик Хеҙмәт Геройы исеме бирелә.
Тиҙҙән Өфөлә Миҙхәт Шакиров исемендәге сквер барлыҡҡа киләсәк, дәүләт эшмәкәренә арналған “Шакиров беренсе обком секретары”исемле китап нәшер ителгән.
Тантаналы ултырыш байрам концерты менән тамамланды.
Өлкән быуын кешеләре баш ҡалала тыуып үҫеп үҙ төйәген үҫтереүгә бар ғүмерен бағышлаған, яуаплы һәм талапсан етәксене яҡшы хәтерләй. Миҙхәт Закир улының тормошо, эш итеү алымдары, хеҙмәт юлы күптәребеҙгә өлгө.
Гүзәл Багаева