3-4 сентябрҙә Мостай Кәрим исемендәге Милли йәштәр театрының башҡорт труппаһы Нил Саймон пьесаһы буйынса “Яҙмышымдың икенсе бүлеге” спектакленең премьераһын тәҡдим итә. Сит ил драматургы әҫәрен руссанан башҡортсаға театр актеры Рәмил Сәлмәнов тәржемә иткән. Уның был өлкәләге тәүге ижад емеше. Шуға ла романтик комедия булараҡ яҙылған пьеса трагикомедия жанрында үҫеш алған.