Арыҫлан Мөбәрәков исемендәге Сибай башҡорт драма театрында 18 һәм 19 апрель көндәре  Мостай Кәрим исемендәге Милли йәштәр театры «Йәшәгән, ти...»  спектакленең премьераһын тәҡдим итә.

Тамаша М.Ладоның популяр һәм фәһемле пьесаһы буйынса ҡуйыла, режиссеры — БР-ҙың атҡаҙанған сәнғәт эшмәкәре, Ш.Бабич исемендәге Дәүләт йәштәр премияһы лауреаты Рөстәм Хәҡимов . Спектакль башҡорт труппаһы артистары ҡатнашлығында үтәсәк.

Әҫәр нигеҙендә — бөгөнгө көндө ғәҙәтигә әйләнеп барған ваҡиға: ҡыҙ кеше егетенән бала көтә. Был ҡыҙ хәлле ғаиләнән, егет – күрше байғоштоң улы. Ҡыҙҙың ата-әсәһе ниндәй ҡарарға килер? Был хәлгә бер кем дә битараф ҡалмай, хатта... йорттағы ҡош-ҡорт та зыҡ ҡубасаҡ.