Мостай Кәрим исемендәге Милли йәштәр театры Яңы йыл байрамына арнап "Кире Яңы йыл" тамашаһын әҙерләгән. Башҡорт труппаһы артистары башҡарыуында спектаклдә урман йәнлектәре менән бергә шатланып-ҡыуанып, Үлемһеҙ Кащей һәм уның ейәне Костян, Мәскәй әбей һәм ейәнсәре Ягурочка менән йырлап-бейеп күңел асырға мөмкинселек бар.

Яңы йылдың төп геройҙары - Ҡыш бабай менән Ҡарһылыу ярҙамында тамашасылар дуҫлыҡ ҙур көскә эйә булыуына тағы бер тапҡыр инана аласаҡ.

Сағыу тамаша 25 декабрҙән сәхнәлә һәм 10 ғинуарға тиклем ҡуйыласаҡ.