Мостай Кәрим исемендәге Милли йәштәр театры «Ҙур гастролдәр» федераль маҡсатлы программаһы сиктәрендә Санкт-Петербург ҡалаһына юллана. 22-25 сентябрҙә театрҙың рус труппаһы А.Брянцев исемендәге Йәш тамашасы театры сәхнәһендә балалар һәм өлкәндәр өсөн биш спектакль ҡуйырға ниәтләй. Улар араһында Б.Вахтин әҫәре буйынса ҡуйылған «Синяя-синяя речка», А. Приставкиндың «Ночевала тучка золотая», А Линдгрен буйынса «Пеппи Длинный чулок» спектаклдәре бар.

Ошо уҡ программа менән Санкт-Петербургтың А.Брянцев исемендәге Йәш тамашасы театры Өфө тамашасыһы алдында сығыш яһаясаҡ. Улар 15 – 18 сентябрҙә Мостай Кәрим исемендәге Милли йәштәр театрында тамашаларын тәҡдим итә.