Йыл һайын августың икенсе йәкшәмбеһендә Башҡортостан Республикаһында Умартасылар көнө билдәләнә. Умартасыларҙың һөнәри байрамы алдынан Башҡортостан Республикаһының Әхмәтзәки Вәлиди исемендәге Милли китапханаһы "Башҡортостан - баллы төйәк" тигән гәзит-журнал күргәҙмәһен әҙерләне.

"Күргәҙмә уҡыусыларҙы умартасылыҡты үҫтереү тарихы һәм айырым умартасыларҙың уңыштары менән таныштыра, халыҡ медицинаһында бал ҡулланыу, бал ҡорттарын үрсетеү серҙәре, башҡорт балы тураһында ҡыҙыҡлы һәм аҙ билдәле мәғлүмәттәр хаҡында һөйләй", - тип ваҡытлы матбуғат баҫмалары бүлеге мөдире Илдар Кирәев.

Күргәҙмәлә барлығы 18 баҫма тәҡдим ителгән, улар араһында "Керпе" (1929 йыл) һәм "Башҡортостан хужалығы" (1930 йыл) ретро-баҫмаларын күрергә мөмкин.