Республиканың 100 йыллығына бағышланған фотоһүрәттәр конкурсына, барлығы-3 меңгә яҡын фотоһүрәт килгән. Милли музейҙа асылған күргәҙмәлә ижади эштәрҙең иң яҡшылары ғына тәҡдим ителгән. Фотоһүрәттәр Башҡортостан тәбиғәте, төбәктә йәшәгән күп милләтле халыҡ, республика тарихы һәм башҡа темаларға арнала.
Һүрәттәр араһында профессиональ фотоаппаратҡа һәм кеҫә телефонына төшөрөлгәндәре лә бар. Ойоштороусылар конкурсты тәүҙә Өфө кимәлендә генә башлап ебәрһә лә ул республика даирәһенә сыҡҡан. 50 фотоһүрәтте Милли музейҙа күрергә мөмкин булһа, ҡалғандары Ҡала туризм үҙәге сайтында видеоролик рәүешендә урынлаштырыласаҡ.