Өфө автотранспорт колледжында шағир, драматург Рәмил Ҡолдәүләттең ижадына арналған сара үтте.
Республиканың төрлө райондарынан йыйылған 1-се курс егеттәре Рәмил Ҡолдәүләттең шиғырҙарын тасуири уҡып сараны йәнләндерҙе, күңелдәрҙе һа­ғышҡа һалды. Сараға килгән шағирҙың бер туған апаһы, мәғариф ветераны Нәфисә апай заттарының сәсән­леккә маһирлығы, араларында муллалар, илселәр булыуы хаҡында һөйләне.
– Рәмилдәге әҙәбиәткә ынтылыш әсәйем­дән килгәндер, тим. Ул беҙгә һәр саҡ әкиәттәр, риүәйәттәр һөйләй торғайны. Сәсән телле булды. Ҡустым ҡыҫҡа ғына ғүме­рендә ҙур һүҙ әйтеп китә алды, – тине ул сығышында.
Шулай уҡ осрашыуҙа саҡрылған ҡунаҡтар: элекке мәғариф министры Сәбилә Сөләймәнова, уның улы, йырсы Алмас Ғафаров, бер осорҙа Башҡорт дәүләт университетында уҡыған шағирә Зөлфиә Ханнанова яҡты хәти­рәләре менән иҫкә алдылар шағир, драматург Рәмил Ҡолдәү­ләтте.