Баш ҡаланың "Мираҫ" галереяһында "Опера" исемле яңы күргәҙмә проекты эшләй. Уның авторҙары – рәссамдар Ғәлиә Ли һәм Ольга Цимболенко һынлы сәнғәт, инсталляция, фото һәм видео өлгөләрен тәҡдим итә. Ойоштороусылар операның бары тик музыкаль-драматик әҫәр булыуы мотлаҡ түгел, һынлы сәнғәтте лә опера тип билдәләргә мөмкин. Был һүҙ үҙе бер монолит, үҙе бер полотно.

Авторҙар үҙҙәренең ижад стилен ҡырыҫ реализм тип атай. Ул ысынбарлыҡҡа яҡын булыуы, тормош көнкүрештәрен сағылдырыуы менән айырыла, ти сәнғәт белгестәре. Ольга Цимболенко менән Ғәлиә Ли бер нисә йыллыҡ ижад емештәрен күрһәтә.