Өфөлә “Музейҙар төнө”нә килеүселәр үҙенсәлекле квест-уйында ҡатнаша ала. Ҡала халҡы һәм ҡунаҡтарына төрлө өҙөктәрҙән билдәле кинофильмды йыйырға тәҡдим ителәсәк, тип хәбәр итәләр Мәҙәниәт министрлығынан. Квесты Башҡортостан Милли музейы, Нестеров исемендәге художество, Республика Хәрби дан һәм Мәжит Ғафури йорт-музейы ойоштора. Уйын шарттары буйынса ҡатнашыусыларға төрлө мәсьләләрҙе сисергә кәрәк, улар бының өсөн кәмендә өс музейҙы урап үтергә тейеш. Кинофильмды дөрөҫ атағандарға музейға саҡырыу бүләк ителә. Рәсәйҙә һәм Башҡортостанда “Музейҙар төнө” 21 майҙа үтә. Быйыл республикала акцияла 100-ләгән дәүләт, муниципаль һәм шәхси музей, галерея ҡатнаша.

Сығанаҡ