Иртәгә, 26 ғинуар көнө, М.В. Нестеров исемендәге Башҡорт художество музейында башҡорт ҡатын-ҡыҙҙарының баш кейеме «ҡашмау»ға арналған ғилми-ғәмәли конференция үтәсәк.

Ғилми-ғәмәли конференцияның төп темаһы — башҡорт ҡатын-ҡыҙҙары кейемендә ҡашмау, һаҡлау һәм үҫтереү йолалары, заманса реконструкциялар.

Сарала  «М.В. Нестеров исемендәге Башҡорт художество музейы йыйылмаһында башҡорттарҙың биҙәү-ҡулланма сәнғәте коллекцияһы», «Ҡашмау — башҡорт ҡатын-ҡыҙҙарының баш кейеме: конструкция, биҙәү үҙенсәлектәре һәм кейеп йөрөү ысулдары» темаларына докладтар тәҡдим ителәсәк.