21 июлдә Мәскәүҙең "Коломенское" музей ҡурсаулығында һабантуй үтте. Был күркәм урында милли байрам һигеҙ элек ойошторола башлаһа ла, илебеҙ баш ҡалаһында һабантуй 30-сы тапҡыр уҙҙы.

Быйыл милли аш -һыу оҫталары Һабантуй ҡунаҡтарын 2018 килограмм ауырлыҡтағы күп ҡатлы сәк-сәк бешереп тәмле күстәнәс менән һыйланы.

 Байрам майҙанында Әбйәлил районы һәм Стәрлетамаҡ ҡалаһы делегацияһы бай йөкмәткеле программа тәҡдим итте. Ҡунаҡтар өсөн этнография экспозицияһы ҡуйылды, милли кәсеп өлгөләре, аш-һыу әҙерләү йолалары тәҡдим ителде, милли спорт ярыштары ойошторолдо.

Парк биләмәһенә 6 сәхнә ҡоролдо, унда төрлө сит илдәрҙең сәнғәт оҫталары сығыш яһаны. Мәскәү һабантуйында 200 меңдән ашыу кеше ҡатнашты.