Мәскәүҙә Башҡортостан Республикаһының РФ Президенты янындағы Тулы хоҡуҡлы вәкиллегендә М.Ғафури исемендәге Башҡорт дәүләт академия драма театры коллективы ағзалары менән осрашыу үтте.
Вәкиллек менән осрашыуҙа – театрҙың художество етәксеһе Олег Ханов, директоры Иршат Фәйзуллин, художество етәксеһенең ярҙамсыһы Эльвира Абдраҡипова, РФ-ның һәм БР-ҙың халыҡ артисы Хөрмәтулла Үтәшев, БР халыҡ артисы Илдар Сәйетов, БР халыҡ артисы Алмас Әмиров һәм актриса Римма Ҡаһарманова ҡатнашты.
Вәкиллектең етәксеһе Роман Симандуев театрҙы гастролдәрҙе уңышлы башлап ебәреүе менән ҡотланы, «Зөләйха күҙҙәрен аса» спектакле хаҡында үҙ фекерен еткерҙе. «Алтын битлек»тә еңеүҙәр теләне.
Үҙ сиратында Олег Ханов мәҙәниәткә, сәнғәткә иғтибары өсөн театр коллективы исеменән рәхмәтен белдерҙе.
Театр вәкилдәре Мәскәү гастролдәре, «Алтын битлек» Рәсәй милли театр Фестиваль-премияһы, 2019-сы йылға пландар тураһында һөйләне.