25 декабрь 13.30 сәғәттә «Рәсәй-Башҡортостан» телеканалының медиа үҙәгендә Мәжит Ғафури исемендәге Башҡорт академия драма театырының ижади эшмәкәрлеген йомғаҡлауға арналған пресс-конференция уҙасаҡ.

Үткән йыл театр өсөн бик уңышлы булды: Ф.Бүләковтың «Һөйәһеңме – һөймәйһеңме...», Т.Миңнуллиндың «Эҙләнем, бәғерем, һине», Д.Урбандың «Мouse story» һәм көтөп алынған Г.Яхина романы буйынса ҡуйылған «Зөләйха күҙҙәрен аса» спектаклдәренең премьералары аншлаг менән үтте. И.Йомағоловтың «Нәркәс» трагедияһы яңыртылған вариантта сәхнәгә ҡайтты; юбилей кисәләре уҙҙы, шулай уҡ театр коллективы Ҡазан, Ырымбур, Башҡортостан ҡалаларында һәм райондарында сығыш яһаны; Төрки телле театрҙарҙың «Туғанлыҡ» VI Халыҡ-ара фестивале үтте. Театрҙың спектаклдәре «Алтын битлек», «Артмиграция», «Коляда-plays», «Туғанлыҡ» фестивалдәрендә билдәләнде. «Хыялға ҡаршы» спектакленең ижади төркөмө Башҡортостан Республикаһының Шәйехзада Бабич исемендәге йәштәр дәүләт премияһына лайыҡ булдылар.

«Родина» кинотеатрында - исем туйы