Мәжит Ғафури исемендәге Башҡорт дәүләт академия драма театры «ТЕАТР+» проекты сиктәрендә рецензиялар конкурсы башланыуы тураһында иғлан итә.

Конкурста һәр бер теләгән кеше ҡатнаша ала. Рецензияларҙы Мәжит Ғафури исемендәге Башҡорт дәүләт академия драма театры репертуарында барған спектаклдәргә башҡорт һәм урыҫ телдәрендә яҙырға кәрәк.

Рецензияла спектаклдән һуң тыуған уйҙар, актерҙар уйыны, музыка һәм сәхнә биҙәлеше яғы, режиссер эше һәм башҡалар тураһында тулы һәм матур тел менән уй-хистәрҙе, әҙәби тәнҡитте яҙырға мөмкин.

Эштәрҙе 2017 йылдың 10 декабренә тиклем электрон почта адресына ебәрергә кәрәк.

Конкурста еңеүселәрҙе жюри: театр тәнҡитселәре, Заһир Исмәғилев исемендәге Өфө дәүләт сәнғәт институты уҡытыусылары һәм М.Ғафури исемендәге Башҡорт дәүләт академия драма театрының ижади коллектив ағзалары билдәләйәсәк.

Конкурс һөҙөмтәләре буйынса уның еңеүселәре иғлан ителәсәк (призерҙар һәм лауреаттар), улар төрлө номинацияларҙа приздар менән бүләкләнәсәк. Еңеүселәрәрҙең һанын уның ойоштороусылары билдәләй.

Иң яҡшы рецензиялар  www.bashdram.ru сайтында баҫыласаҡ.