Башҡорт халыҡ шағиры Мәжит Ғафуриҙың тыуыуына 140 йыл тулыу айҡанлы “Шағирҙар шағирҙы уҡый” исемле флешмоб иғлан ителә. Ойоштороусылары – БР яҙыусылар союзы, Өфөләге Мәжит Ғафуриҙың мемориаль йорт-музейы, Еҙем-Ҡаран ауылындағы Мәжит Ғафуриҙың мемориаль йорт-музейы һәм Мәжит Ғафури исемендәге мәҙәниәт фонды.
Ҡатнашыусыларға шағирҙың йә уға бағышланған үҙҙәренең әҫәрҙәрен уҡырға тәҡдим ителә. Видеояҙмаларҙы “Бәйләнештә” селтәрендәге Мәжит Ғафури, Мәжит Ғафуриҙың мемориаль йорт-музейы, Мәжит Ғафури музейы, Башҡортостан әҙәбиәте төркөмдәре сәхифәләренә ҡуйырға кәрәк.