18 декабрҙә Мәжит Ғафуриҙың мемориаль йорт-музейында Башҡортостандың Зәйнәб Биишева исемендәге “Китап” нәшриәтендә Халыҡ яҙыусыһы З. Биишеваның рус һәм башҡорт телдәрендә ошо көндәрҙә генә донъя күргән “Дуҫ булайыҡ” китабының исем туйы үткәрелә.
Сарала билдәле ҡәләм оҫталары - Башҡортостандың халыҡ шағиры Ҡәҙим Аралбаев, Салауат Юлаев исемендәге дәүләт премияһы лауреаты Ринат Камал, филология фәндәре докторы Тимерғәле Килмөхәмәтов, әҙибәнең улы - химия фәндәре докторы, профессор Тельман Әминев, журналистар һәм Ф. Мостафина исемендәге 20-се Өфө ҡала башҡорт гимназияһы уҡыусылары ҡатнаша. “Китап” нәшриәте күргәҙмә-һатыу ойоштора. Сара 15.00 сәғәттә башлана.