Башҡортостан Милли музейына генерал-майор Миңлеғәли Шайморатовтың Ҡыҙыл йондоҙ ордены тапшырыла. Ошо турала Республика Башлығы Өфөлә Еңеү көнө уңайынан ойошторолған тантаналы ултырышта белдерҙе. Легендар 112-се Башҡорт кавалерия дивизияһы командиры юғары награданы алып өлгөрмәй ҡала. Миңлеғәли Шайморатовты Ҡыҙыл орден менән бүләкләү тураһында фарман 1943 йылдың 14 февралендә донъя күрә. Ә 23 февралдә хәҙерге Луганск халыҡ республикаһында яуҙа батырҙарса һәләк була.