Бөгөн, 18 октябрь көнө, Х.Әхмәтов исемендәге Башҡорт дәүләт филармонияһының Бәләкәй (Орган) залында күргәҙмә асыласаҡ. Күргәҙмәлә Өфө ҡалаһында ижад итеүсе йәш рәссам Нажия Заһитованың ижад емештәре тәҡдим ителгән.

Нажия Заһитова – К. А. Дәүләткилдеев исемендәге гимназия-интернатының сығарылыш уҡыусыһы, З.Исмәғилев исемендәге Өфө дәүләт сәнғәт институтын тамамлаусы.

Башҡортостан Республикаһының “Рәсәй рәссәмдары союзының” Региональ бүлеге Бөтә Рәсәй ижад йәмғиәте ойошмаһы эргәһендәге “Йәш рәссамдар һәм сәнғәт белгестәре”ойошмаһы ағзаһы Нажия Заһитова бик күп халыҡ-ара, республика күргәҙмәләрендә ҡатнашыусы булараҡ киң билдәле (Шадринск, Новгород, Ҡаҙан, Мәскәү, Ҡытай).

Иҫегеҙгә төшөрөп уҙабыҙ, күргәҙмә бөгөн “Уйна, думбырам!” тамашаһы алдынан, сәғәт 18.00 башлана.

Гүзәл Багаева