Нефтекама дәүләт филармонияһында XXVI концерт миҙгелен асыу тантанаһы уҙҙы.

Ижади коллектив яратҡан тамашасылары өсөн сағыу, "Халыҡтар берҙәмлеге - Рәсәй көсө!" концерт программаһын әҙерләгән.

Сара ҡунаҡтарын филармония фойеһында Александр Перечнев етәкселегендәге халыҡ уйын ҡоралдары оркестры ҡаршы алды.

Яҡты залда йылы мөхит хөкөм һөрҙө, ә тамашасыларҙың нурлы йылмайыуы артистар өсөн шатлыҡ һәм илһам сығанағы булды.

Тантаналы сара сиктәрендә Нефтекама дәүләт филармонияһының беренсе директоры, Башҡортостан Республикаһының атҡаҙанған артисы, Рәсәй Федерацияһының атҡаҙанған мәҙәниәт хеҙмәткәре Әхәт Әхмәт улы Фәсхетдиновҡа иҫтәлекле экспозиция асылды.