7 апрель Нефтекама дәүләт филармонияһында халыҡ-ара һәм республика йыр конкурстары лауреаты Сулпан Ғәфүрйәнованың «Тормош матурлығы» тип аталған концерты буласаҡ.

Ҡабатланмаҫ моңло йырсының профессиональ сәхнәлә ижад итеүенә 20 йыл тулыу айҡанлы ойошторолған күңелле, йыр-моңға бай программала Сулпан Ғәфүрйәнова һәм уның ижадташ дуҫтарының башҡарыуында тамашасылар яратҡан йырҙар яңғыраясаҡ, шулай уҡ сағыу тамашала данлыҡлы «Түңгәүер» бейеү ансамбленең һәләтле бейеүселәре һәм талантлы музыканттар ҡатнаша.

- Йәшлек дәрте, заман һулышы менән һуғарылған тамашанан ситтә ҡалмағыҙ, ҡәҙерле дуҫтар! - тип саҡыра филармония коллективы. 

Кисә 19 сәғәттә башлана.