17 һәм 18 май көндәре Өфөләге М.В. Нестеров исемендәге художество музейында республика рәссамдары бушлай оҫталыҡ дәрестәре үткәрә, тип хәбәр итә сараны ойоштороусылар.

17 майҙа көндөҙгө сәғәт 3-тә Рәсәйҙең Рәссамдар союзы ағзаһы, Башҡортостандың атҡаҙанған мәҙәниәт хеҙмәткәре, «Художка» мәктәбе директоры Глеб Голубев уҡыусылар һәм өлкәндәр өсөн «еүеш акварель» техникаһы буйынса оҫталыҡ дәресе бирә. Дәрестәр Лаптев йортоноң етенсе залында уҙа.

18 майҙа көндөҙгө сәғәт 3-тә ошо уҡ залда Рәсәйҙең атҡаҙанған рәссамы, Рәсәйҙең Рәссамдар союзы ағзаһы Виктор Суздальцев мәктәп йәшендәге балалар һәм өлкәндәр өсөн «еүеш акварель» техникаһы буйынса оҫталыҡ дәресе үткәрә.

Оҫталыҡ дәрестәрендә ҡатнашыуға (347) 272-13-85 телефоны буйынса яҙыла алаһығыҙ. Үҙең менән ике бит акварель ҡағыҙы, акварель буяуҙар, йомшаҡ бумала, һыу өсөн стакан һәм губка алып килергә кәрәк.