Баш ҡалала ағымдағы йылдың  28-30 ноябрендә V «Өфө-Ладья. Арт. Кәсептәр. Сувенирҙар» күргәҙмә-фестивале уҙасаҡ. Тейешле бойороҡ рәсми хоҡуҡи мәғлүмәт интернет-порталында баҫылып сыҡҡан. Район хакимиәттәренә оҫталарға һәм халыҡ художество кәсептәре ойошмаларына сарала ҡатнашыуҙа булышлыҡ итергә кәңәш ителгән. Экспозиция ВДНХ-Экспо майҙансығында урынлашасаҡ. Баҫылған саралар планына ярашлы, күргәҙмә даирәләрендә фольклор фестивале һәм «Оҫта – алтын ҡулдар» бәйгеһе ойоштороу ҡаралған.