«Нур» театры XXIX ижад миҙгеленең киләһе премьераһына әҙерләнә. Тиҙҙән тамашасыларға Зифа Ҡадырова повесы буйынса “Фатима” драмаһы тәҡдим ителәсәк.

Спектаклде театрҙың баш режиссёры, Башҡортостандың халыҡ артисы Азат Йыһаншин ҡуя. Инсценировка авторы - Гөлнур Усманова, рәссам – Рәсәйҙең һәм Ҡалмыҡ Республикаһының атҡаҙанған сәнғәт эшмәкәре Валерий Яшкулов, композитор – Башҡортостандың атҡаҙанған сәнғәт эшмәкәре Илшат Яхин, ҡуйыусы балетмейстер – Башҡортостандың атҡаҙанған артисткаһы Рәмизә Мөхәммәтшина.

Тормоштоң әсеһен татыһа ла, яҙмыш һынауҙарына бирешмәй, Фатима үҙенең намыҫына, мөхәббтенә тоғро ҡала. Был спектакь Ҡатын-ҡыҙҙарға мәһхиә формаһына әүерелә.  

Премьера 26, 27 һәм 28 мартта уҙасаҡ.