Башҡортостан картаһын сығарған оҫтабикәләр хаҡында мәҡәләләр циклын дауам итеп, бөгөн Нуриман районынан уҡытыусы Людмила Матюшина хаҡында һөйләйбеҙ.

 - Картала халыҡтар араһында берҙәмлекте, тыныслыҡты һәм татыулыҡты күрһәтергә теләнек, - ти Нуриман районы картаһын сиккән Людмила Матюшина. 

Ҡул эше оҫталары өсөн картаның эскизын райондың мәҙәниәт бүлеге рәссамы Зөлфиә Ғөбәйҙуллина төшөргән. Паннола муниципалитет биләмәһендә йәшәүсе милләттәрҙең иң ҙур локаль төркөмдәренең орнамент мотивтары урын алған.