Башҡорт опера һәм балет театрының “Эрмитаж” залында краснодар рәссамы, Рәсәй рәссамдар Союзы ағзаһы Наталья Шевщенконың персональ күргәҙмәһе асылды.

Өфөлөләр беренсе тапҡыр билдәле балериналар: Анна Павлова, Тамара Карсавина, Ольга Спесивцеваның портттертарын күреү мөмкинселеген алды.

Махсус рәүештә башҡорт тамашасыһы өсөн Наталья Шевщенко милли сюжетҡа мөрәжәғәт иткән. Лев Степанов һәм Заһир Исмәғилев ижад иткән “Журавлиная песнь” балетынан дуэт барлыҡҡа килтергән.

Экспозиция өс сериянан тора: «Быки» - «Чаша», «Сквозь» и «Скачок». Үгеҙ һынландырылыуы юҡҡа түгел, үгеҙ-символик хайуан аша көс азатлығын, ҡыйыулыҡты, батырлыҡты күрһәтергә тырышҡан автор. Шевщенко ”балет артисы” һөнәрен тап ошолай позициялай...

Ашығығыҙ, күргәҙмә 4 ноябргә тиклем генә дауам итә!

Мәғлүмәт өсөн: Натальи Шевченко Нева ҡалаһында театр рәссәмдары ғаиләһендә тыуған. Бәләкәйҙән балет менән ҡыҙыҡһына ҡыҙ. Мариинский театр ,Бәләкәй опера һәм балет театрҙары сәхнәләштергән әҫәрҙәр ҡарап үҫкән ханымға Майи Плисецкая, Фәрух Рузиматов, Илзе Лиепа ҡатнашлығындағы балеттар хәтерендә ныҡ уйылып ҡалған.

Сәнғәткә, музыкаль-хореографик образдарҙы берләштереүсе сәхнә төрө - балетҡа ҡарата һөйөү күргәҙмә ойошторорға этәргес көс кенә булған.Буш ваҡыттарында рәсем төшөреү менән мауыҡҡан Наталья Шевщенко ижад емештәрен дуҫтарына һәм туғандарына бүләк итергә ярата.
Ижад һандығында 200-ҙән ашыу эш иҫәпләнә. Бер өлөшө Рәсәй һәм СНГ илдәренең музей фондтарында, шәхси коллекцияларҙа һаҡлана.

Гүзәл Багаева