«ОСҠОН-2016» башҡорт видеоһы конкурсы 30 ноябргә тиклем эштәр ҡабул итә. Рәсәй киноһы йылына бағышланған бәйге ағымдағы йылдың март айында уҡ иғлан ителгәйне.
«Осҡон» башҡорт видеоһы конкурсын ойоштороусылары иң яҡшы ролик авторҙарын эҙләй. Быйыл приз фонды күләме дүрт тапҡырға артты һәм 200 000 һум тәшкил итә. Бынан тыш, анимация, документаль фильмдар өсөн айырым номинациялар һәм 30 секундлыҡ микрокино булдырылған. «Нәфис фильм» һәм «Социаль видеоролик» номинациялары үҙгәрешһеҙ ҡалған.

Конкурсты ойоштороусы – Силәбе өлкәһендәге Башҡорт йәштәре союзы, Мәскәүҙәге һәм Санкт-Петербургтағы Башҡортостан студенттары һәм аспиранттары ассоциацияһы. Проект илдең төрлө төбәктәрендәге башҡорт ойошмаларының мәғлүмәт ярҙамы менән тормошҡа ашырыла.

Ғаризалар 2016 йылдың 30 ноябренә тиклем ҡабул ителә. Конкурсҡа 2015 – 2016 йылдарҙа төшөрөлгән башҡорт телендәге фильмдарҙы һәм видеоларҙы ебәрергә кәрәк. Бәйгенең шарттары хаҡында тулыраҡ мәғлүмәт социаль селтәрҙәге рәсми биттә https://vk.com/oskon_video бирелгән.

Гүзәл Багаева