“Юлдаш” радиоһы хәбәр итеүенсә, Пермь өлкәһе Чернушки ҡалаһының мәҙәниәт һәм күңел асыу үҙәгенә бөгөн ижади коллективтар, йырсылар, кәсепселәр һәм ҡул эштәре оҫталары йыйыла.

Сарала ҡатнашыусы үҙешмәкәрҙәр үҙҙәренең сығыштарында башҡорт халҡының йолаларын һәм ғөрөф-ғәҙәттәрен, фольклор коллективтары мөнөжәттәр, бәйеттәр, ҡобайырҙар, халыҡ уйындары һәм байрамдары менән сығыш яһай.

Конкурста йыр, бейеү, халыҡ ҡоралдарында уйнау номинациялары буйынса еңеүселәр билдәләнә. Шәжәрә, милли аш-һыу һәм халыҡ ижады өлгөләре буйынса ярыштар ҡаралған.