Сарала CIOFF президенты Филипп Боссан, CIOFF-тың Рәсәйҙәге милли секцияhы президенты, Василий Поленов исемендәге Рәсәй дәүләт халыҡтар ижады йорто директоры Тамара Пуртова, "Рус йыры" Мәскәү дәүләт академия театры етәксеhe, Рәсәйҙең халыҡ артисы, VI Бөтә донъя Фольклориадаhы (CIOFF) илсеһе Надежда Бабкина ҡатнашты.

Осрашыу барышында Тамара Пуртова Республика етәксеһе Радий Хәбировҡа рәхмәт белдерҙе.

"Беҙҙең хыялдарыбыҙ, ниhaйәт, тормошҡа ашты. Башҡортостанда үтәсәк фольклор байрамы hис шикһеҙ донъя мәҙәниәте тарихында сағыу ваҡиға булып урын аласаҡ," - тине ул.