Башҡорт дәүләт опера һәм балет театры Башҡортостандың дәүләт телдәрен һәм республика халыҡтары телдәрен һаҡлауға һәм үҫтереүгә йүнәлтелгән Башҡортостан башлығы гранты еңеүселәренеү береһе булды. Башҡорт замана операһының лабораторияһы” проекты 2020-2021 йылғы театр миҙгелендә тормошҡа ашырыласаҡ.

“Был проект ҡыҙыҡлы, беҙ уның менән ҡыҙыҡһындыҡ. Проект эсендә - Башҡортостан халыҡтары телен һаҡлау ҙа, ватан композиторлыҡ мәктәбен үҫтереү ҙә, - тип билдәләне республика башлығы Радий Хәбиров үҙенең инстаграм сәхифәһендә. – Мин опера сәнғәте белгесе булмаһам да, башҡорт телендә операны көтәм, уға үҙ ғаиләм менән барырға, дуҫтарымды саҡырырға йыйынам”.