Республика хәрби дан музейында Бөйөк Ватан һуғышы тарихы буйынса әҙерләнгән “Мин хәтерләйем. Мин ғорурланам” исемле республика мәктәп уҡыусылары олимпиадаһы еңеүселәрен бүләкләү тантанаһы үтте.

“Мин хәтерләйем. Мин ғорурланам” олимпиадаһы 2013 йылдан алып “Мин – Бөйөк илдең гражданы” республика патриотик проекты сиктәрендә үткәрелә.

2019-2020 йылғы уҡыу йылында төбәк этапта 2-11 синыфтан 87 уҡыусы ҡатнашты, Өфөнән 17 бала еңеүсе тип танылды.

Олимпиада еңеүселәре диплом һәм иҫтәлекле миҙалдар менән бүләкләнде.