Бөгөн, 29 апрелдә Өфөнөң "Башҡортостан" дәүләт концерт залында "Студент яҙы" фестиваленең гала концерты үтә. Ижади бәйге һәләтле йәштәрҙе асыҡлау һәм уларға ярҙам итеүгә, студенттар ижадын пропагандалау, башҡарыу оҫталығын күтәреү, йәштәрҙе эстетик һәм әхлаҡи тәрбиәләү буйынса эштәр формаһын камиллаштырыу, ҡала һәм төбәктең мәҙәни потенциалын үҫтереүгә булышлыҡ итеү маҡсатында үткәрелә.
Иҫгеҙгә төшөрәбеҙ, был сарала республиканың барлыҡ ВУЗ-дары ҡатнашты, һәр уҡыу йортонан бер-нисә ижади коллектив сығыш яһаны. Еңеүселәр театр сәнғәте, хореография, вокал, һүҙ оҫталығы, тапҡырлыҡ, башҡа номинациялар буйынса билдәләнде. “Студент яҙы” фестивале Башҡортостанда йыл һайын уҙғарыла, быйылғыһы- иҫәп буйынса 46-сы.